Good News for Government Employees 2026:ಸರಕಾರಿ ನೌಕರರ ಸ್ಯಾಲರಿ ಪ್ಯಾಕೇಜ್ ನೋಂದಣಿ ಗಡುವು ಮತ್ತೆ ವಿಸ್ತರಣೆ
Good News for Government Employees 2026: ರಾಜ್ಯ ಸರಕಾರಿ ನೌಕರರಿಗೆ ಮಹತ್ವದ ಮಾಹಿತಿ: ಸ್ಯಾಲರಿ ಪ್ಯಾಕೇಜ್ ನೋಂದಣಿ ಗಡುವು ವಿಸ್ತರಣೆ
ಕರ್ನಾಟಕ ರಾಜ್ಯ ಸರಕಾರವು ರಾಜ್ಯ ಸರಕಾರಿ ನೌಕರರು ಬ್ಯಾಂಕ್ಗಳ ಮೂಲಕ ಸ್ಯಾಲರಿ ಪ್ಯಾಕೇಜ್ಗೆ ನೋಂದಣಿ ಮಾಡಿಕೊಳ್ಳುವುದು ಕಡ್ಡಾಯ ಎಂದು ಈಗಾಗಲೇ ಆದೇಶ ಹೊರಡಿಸಿದೆ. ಈ ಸಂಬಂಧ ನೌಕರರಿಗೆ ನೀಡಿದ್ದ ಗಡುವನ್ನು ಇದೀಗ ಮತ್ತೊಮ್ಮೆ ವಿಸ್ತರಣೆ ಮಾಡಲಾಗಿದೆ.
ಮೊದಲು, ಸ್ಯಾಲರಿ ಪ್ಯಾಕೇಜ್ಗೆ ನೋಂದಣಿ ಮಾಡಿಕೊಳ್ಳಲು 2025ರ ಡಿಸೆಂಬರ್ 15 ಕೊನೆಯ ದಿನಾಂಕವಾಗಿ ನಿಗದಿಪಡಿಸಲಾಗಿತ್ತು. ನಿಗದಿತ ಅವಧಿಯಲ್ಲಿ ನೋಂದಣಿ ಮಾಡಿಕೊಳ್ಳದಿದ್ದಲ್ಲಿ ಸಂಬಳ ತಡೆಹಿಡಿಯಲಾಗುವುದು ಎಂಬ ಸೂಚನೆಯನ್ನು ಕೂಡ ಸರ್ಕಾರ ನೀಡಿತ್ತು.
ಆದರೆ, ಅನೇಕ ನೌಕರರು ಹೆಚ್ಚಿನ ಸಮಯಾವಕಾಶ ನೀಡುವಂತೆ ಮನವಿ ಸಲ್ಲಿಸಿದ್ದ ಹಿನ್ನೆಲೆ, ಸರ್ಕಾರವು ನೋಂದಣಿ ಗಡುವನ್ನು 2026ರ ಜನವರಿ 16ರವರೆಗೆ ವಿಸ್ತರಿಸಿದೆ.
▪️ಯಾರಿಗೆ ಅನ್ವಯ?
ಈ ಗಡುವು ವಿಸ್ತರಣೆ ರಾಜ್ಯ ಸರಕಾರದ
ಎ, ಬಿ ಮತ್ತು ಸಿ ದರ್ಜೆಯ ಎಲ್ಲಾ ನೌಕರರಿಗೆ ಅನ್ವಯವಾಗುತ್ತದೆ. ಇದರಿಂದಾಗಿ ಇನ್ನೂ ನೋಂದಣಿ ಮಾಡಿಕೊಳ್ಳದ ನೌಕರರಿಗೆ ಈಗ ಹೆಚ್ಚುವರಿ ಸಮಯ ದೊರೆತಂತಾಗಿದೆ.
ಸ್ಯಾಲರಿ ಪ್ಯಾಕೇಜ್ನ ಪ್ರಯೋಜನಗಳು:
ಬ್ಯಾಂಕ್ಗಳ ಮೂಲಕ ಸ್ಯಾಲರಿ ಪ್ಯಾಕೇಜ್ಗೆ ನೋಂದಣಿ ಮಾಡಿಕೊಂಡರೆ ನೌಕರರಿಗೆ:
▪️ಅಪಘಾತ ವಿಮೆ (Accidental Insurance)
▪️ಟರ್ಮ್ ಇನ್ಸೂರೆನ್ಸ್ (Term Insurance)
ಹಾಗೂ ಇತರ ಹಣಕಾಸು ಸೌಲಭ್ಯಗಳು ಲಭ್ಯವಾಗುತ್ತವೆ.
ಇಂದಿನ ಸ್ಥಿತಿ:
ಲಭ್ಯವಿರುವ ಮಾಹಿತಿಯಂತೆ, ಇದುವರೆಗೆ ರಾಜ್ಯದಲ್ಲಿ ಸುಮಾರು 3 ಲಕ್ಷ ನೌಕರರು ಮಾತ್ರ ಸ್ಯಾಲರಿ ಪ್ಯಾಕೇಜ್ಗೆ ನೋಂದಣಿ ಮಾಡಿಕೊಂಡಿದ್ದಾರೆ. ಇನ್ನೂ ಹೆಚ್ಚಿನ ಸಂಖ್ಯೆಯ ನೌಕರರು ನೋಂದಣಿ ಮಾಡಿಕೊಳ್ಳಬೇಕಿರುವುದು ಸ್ಪಷ್ಟವಾಗಿದೆ.
👉 ಸೂಚನೆ: ಕೊನೆಯ ಕ್ಷಣದ ಗೊಂದಲ ತಪ್ಪಿಸಲು, ಉಳಿದ ನೌಕರರು ಕೂಡ ಶೀಘ್ರದಲ್ಲೇ ತಮ್ಮ ಬ್ಯಾಂಕ್ ಮೂಲಕ ಸ್ಯಾಲರಿ ಪ್ಯಾಕೇಜ್ಗೆ ನೋಂದಣಿ ಮಾಡಿಕೊಳ್ಳುವುದು ಒಳಿತು.
