UPI ಮೂಲಕ EPF: 3 ದಿನಗಳಲ್ಲಿ ಚಂದಾದಾರರ ಕೈಗೆ ಭವಿಷ್ಯ ನಿಧಿ!
UPI ಮೂಲಕ EPF:EPFO ಹೊಸ ಅಪ್ಡೇಟ್: UPI ಮೂಲಕ EPF ಹಣ ವೇಗವಾಗಿ 3 ದಿನಗಳಲ್ಲಿ ಲಭ್ಯ.
ಏಪ್ರಿಲ್ ನಿಂದ ಜಾರಿ:
ಇಪಿಎಫ್ಒ ಚಂದಾದಾರರು ಏಪ್ರಿಲ್ನಿಂದ ನೌಕರರ ಭವಿಷ್ಯನಿಧಿಯನ್ನು ಯುಪಿಐ ಆಧಾರಿತ ಪಾವತಿ ಮೂಲಕ ಪಡೆಯಬಹುದು.
ಯುಪಿಐ ಆಟೊ ಸೆಟಲ್ಮೆಂಟ್ ಆಯ್ಕೆ ಯಡಿ ಅರ್ಜಿ ಸಲ್ಲಿಸಿದ3 ದಿನಗಳಲ್ಲೇ ಮೊತ್ತವು ಚಂದಾದಾರರ ಬ್ಯಾಂಕ್ ಖಾತೆಗೆ ನೇರವಾಗಿ ಜಮಾ ಆಗುತ್ತದೆ.
ಹೊಸ ವ್ಯವಸ್ಥೆ ಲಾಭ:
ಹಳೆಯ ವ್ಯವಸ್ಥೆಯಲ್ಲಿ ಆಗುತ್ತಿದ್ದ ವಿಳಂಬವನ್ನು ತಡೆಯಲು ಹೊಸ ವ್ಯವಸ್ಥೆ ಜಾರಿಗೆ ತರಲಾಗುತ್ತದೆ.
ಎಷ್ಟು ಮಂದಿಗೆ ಅನುಕೂಲ?
ಸದ್ಯ ಯುಪಿಐ ಆಧಾರಿತ ಪಾವತಿ ವ್ಯವಸ್ಥೆಯಲ್ಲಿನ ಸಾಫ್ಟ್ವೇರ್ ಲೋಪಗಳನ್ನು ಇಪಿಎಫ್ಒ ಸರಿಪಡಿಸುತ್ತಿದೆ. ಈ ಯೋಜನೆ ಜಾರಿಗೆ ಬಂದರೆ ಸುಮಾರು 8 ಕೋಟಿಯಷ್ಟು ಚಂದಾದಾರರಿಗೆ ಅನುಕೂಲವಾಗಲಿದೆ.
ಬಾಕಿ ಪರಿಶೀಲನೆ:
ಭವಿಷ್ಯನಿಧಿಯನ್ನು ಹಿಂತೆಗೆದು ಕೊಳ್ಳುವುದು ಮಾತ್ರವಲ್ಲ, ಬಾಕಿ ಉಳಿದಿರುವ ಮೊತ್ತವನ್ನೂ ಯುಪಿಐ ಮೂಲಕ ಪರಿಶೀಲಿಸಬಹುದು.
ಉದ್ಯೋಗಿ ಮತ್ತು ಉದ್ಯೋಗದಾತ ಕಂಪನಿ ಇಬ್ಬರ ಪಾಲೂ ಸೇರಿ ಒಟ್ಟು ಅರ್ಹವಿರುವ ಶೇ.100ರಷ್ಟು ಮೊತ್ತವನ್ನೂ ಹಿಂತೆಗೆದುಕೊಳ್ಳಲು ಕಾರ್ಮಿಕರಿಗೆ ಅವಕಾಶವಿದೆ.
ಚಂದಾದಾರ ಸ್ನೇಹಿ:
ತುರ್ತು ಹಣಕಾಸು ಅಗತ್ಯ ಇರುವ ಕಾರ್ಮಿಕರಿಗೆ ನೆರವಾಗುವ ಉದ್ದೇಶದಿಂದ ಕೋವಿಡ್-19 ಸಂದರ್ಭದಲ್ಲಿ ಇಪಿಎಫ್ಒ ಮೊದಲ ಬಾರಿಗೆ ಆನ್ಲೈನ್ ಆಟೊ ಸೆಟಲ್ಮೆಂಟ್ ಆಯ್ಕೆಯನ್ನು ಪರಿಚಯಿಸಿತ್ತು. ಪ್ರತಿವರ್ಷ ಸುಮಾರು 5 ಲಕ್ಷದಷ್ಟು ಇಪಿಎಫ್ ಕ್ಷೇಮ್ಗಳನ್ನು ಇಪಿಎಫ್ಒ ಇತ್ಯರ್ಥಪಡಿಸುತ್ತದೆ.
ಖಾತೆಗೆ ವರ್ಗಾವಣೆ:
ಇಪಿಎಫ್ ಖಾತೆಯಿಂದ ಬ್ಯಾಂಕ್ ಖಾತೆಗೆ ಹಣವು ಸುರಕ್ಷಿತವಾಗಿ ವರ್ಗಾವಣೆಯಾಗಲು, ಚಂದಾದಾರರು ತಮ್ಮ ಲಿಂಕ್ ಮಾಡಲಾದ ಯುಪಿಐ ಪಿನ್ ಬಳಸಬೇಕು. ಒಮ್ಮೆ ಹಣವು ಬ್ಯಾಂಕ್ ಖಾತೆಗೆ ಜಮಾಗೊಂಡ ನಂತರ, ಆ ಮೊತ್ತವನ್ನು ಇನ್ನೊಂದು ಖಾತೆಗೆ ವರ್ಗಾಯಿಸಿಕೊಳ್ಳಲು ಅಥವಾ ಎಟಿಎಂ ಮೂಲಕ ತೆಗೆದುಕೊಳ್ಳಲು ಚಂದಾದಾರರಿಗೆ ಅವಕಾಶವಿರುತ್ತದೆ.
