Indian Teacher Wins Global Teacher Award:ವಿಶ್ವದ ವೇದಿಕೆಯಲ್ಲಿ ಭಾರತದ ಶಿಕ್ಷಕಿ – ಗ್ಲೋಬಲ್ ಟೀಚರ್ ಪ್ರಶಸ್ತಿ ಸಾಧನೆ

Indian Teacher Wins Global Teacher Award:ವಿಶ್ವದ ವೇದಿಕೆಯಲ್ಲಿ ಭಾರತದ ಶಿಕ್ಷಕಿ – ಗ್ಲೋಬಲ್ ಟೀಚರ್ ಪ್ರಶಸ್ತಿ ಸಾಧನೆ

Indian Teacher Wins Global Teacher Award: ಭಾರತದ ಪ್ರತಿಭಾವಂತ ಶಿಕ್ಷಕಿ ಮತ್ತು ಕಲಾವಿದೆ ರೂಬಲ್ ನಾಗಿ ಪ್ರತಿಷ್ಠಿತ  1 ಮಿಲಿಯನ್  ಡಾಲರ್  ಮೊತ್ತದ (8.4 ಕೋಟಿ ರೂ.) ಗ್ಲೋಬಲ್ ಟೀಚರ್-2026 ಪ್ರಶಸ್ತಿಯನ್ನು ಮುಡಿಗೇರಿಸಿಕೊಳ್ಳುವ ಮೂಲಕ ಇತಿಹಾಸ ಸೃಷ್ಟಿಸಿದ್ದಾರೆ.ಕಲೆ ಎನ್ನುವುದು ಕೇವಲ ಕ್ಯಾನ್ವಾಸ್ ಗೆ ಸೀಮಿತವಾಗದೆ ಸಮಾಜದ ಕಟ್ಟಕಡೆಯ ಮಗುವಿನ ಭವಿಷ್ಯವನ್ನು ಹೇಗೆ ಬದಲಿಸಬಹುದು ಎಂಬುದಕ್ಕೆ ರೂಬಲ್ ನಾಗಿ ಸಾಕ್ಷಿ. ಜಮ್ಮು ಕಾಶ್ಮೀರ ಮೂಲದ ಇವರು ಲಂಡನ್‌ನ ಪ್ರತಿಷ್ಠಿತ ‘ ಸ್ಲೇಡ್  ಸ್ಕೂಲ್ ಆಫ್ ಫೈನ್ ಆರ್ಟ್‌’ನಲ್ಲಿ ಕಲಾ ಶಿಕ್ಷಣ ಪಡೆದಿದ್ದಾರೆ. ಮುಂಬೈನಲ್ಲಿ ನೆಲೆಸಿ, ‘ರೂಬಲ್ ನಾಗಿ ಆರ್ಟ್ ಫೌಂಡೇಶನ್  ಮೂಲಕ ಸ್ಲಂ ಹಾಗೂ ಹಳ್ಳಿಗಳಲ್ಲಿರುವ ಮಕ್ಕಳ ಜೀವನವನ್ನು ಬದಲಿಸಿದ್ದಾರೆ.

ಕಲೆಯನ್ನೇ ಅಸ್ತ್ರವನ್ನಾಗಿಸಿಕೊಂಡು ಬಡತನ ಮತ್ತು ಅಜ್ಞಾನದ ನಿವಾರಣೆಗೆ ಶ್ರಮಿಸುತ್ತಿದ್ದಾರೆ.

ಶಿಕ್ಷಣ ಕ್ಷೇತ್ರದ ನೊಬೆಲ್:

ಈ ಪ್ರಶಸ್ತಿಯನ್ನು ‘ಶಿಕ್ಷಣ ಕ್ಷೇತ್ರದ ನೊಬೆಲ್ ಎನ್ನಲಾಗುತ್ತದೆ. ಭಾರತೀಯ ಮೂಲದವರದ್ದೇ ಆದ ‘ವರ್ಕಿ ಫೌಂಡೇಶನ್ ಮತ್ತು ಯುನೆಸ್ಕೋ ಸಹಯೋಗದ ಈ ಪ್ರಶಸ್ತಿಗೆ 139 ದೇಶಗಳ 5,000ಕ್ಕೂ ಹೆಚ್ಚು ನಾಮನಿರ್ದೇಶನಗಳು ಸಲ್ಲಿಕೆಯಾಗಿದ್ದವು. ದುಬೈ ಯುವರಾಜ ಶೇಖ್ ಹಮ್ಹಾನ್ ಬಿನ್ ಮೊಹಮ್ಮದ್ ಈ ಪ್ರಶಸ್ತಿಯನ್ನು ಪ್ರದಾನ ಮಾಡಿದರು.

ಲಿವಿಂಗ್ ವಾಲ್ಸ್ ಆಫ್ ಲರ್ನಿಂಗ್:

ಕೊಳಚೆ ಪ್ರದೇಶಗಳಲ್ಲಿನ ಪಾಳುಬಿದ್ದ ಗೋಡೆಗಳನ್ನು ಶೈಕ್ಷಣಿಕ ಗೋಡೆಗಳಾಗಿ’ ಪರಿವರ್ತಿಸಿದ್ದಾರೆ. ಇವುಗಳ ಮೇಲೆ ಸುಂದರ,ಮಾಹಿತಿಯುಳ್ಳ ಬೃಹತ್ ಚಿತ್ರವನ್ನು ಬಿಡಿಸಿದ್ದಾರೆ. ಇವು ಮಕ್ಕಳ ಪಾಲಿಗೆ ಪಠ್ಯಪುಸ್ತಕಗಳಾಗಿವೆ. ಇವುಗಳ ಮೂಲಕ ಮಕ್ಕಳು ಅಕ್ಷರಗಳು, ಗಣಿತ, ವಿಜ್ಞಾನ, ನೈರ್ಮಲ್ಯ ಮತ್ತು ಪರಿಸರ ಜಾಗೃತಿಯನ್ನು ಪಡೆಯುತ್ತಿದ್ದಾರೆ.

ಮಿಸಾಲ್ ಇಂಡಿಯಾ ಈ ಯೋಜನೆಯಡಿ 1,50,000ಕ್ಕೂ ಹೆಚ್ಚು ಮನೆಗಳನ್ನು ದುರಸ್ತಿಗೊಳಿಸಿ ಬಣ್ಣ ಹಚ್ಚಿದ್ದಾರೆ. ಕೇವಲ ಸೌಂದರ್ಯೀಕರಣವವಾಗದೆ, ಆ ಪ್ರದೇಶದ ಜನರ ಜೀವನಮಟ್ಟ, ಮಾನಸಿಕ ಸ್ಥಿತಿ ಸುಧಾರಿಸುವ ಪ್ರಯತ್ನವಾಗಿದೆ.

ಶೈಕ್ಷಣಿಕ ಕೇಂದ್ರಗಳು:

ಭಾರತದಾದ್ಯಂತ 800ಕ್ಕೂ ಹೆಚ್ಚು ಕಲಿಕಾ ಕೇಂದ್ರಗಳನ್ನು ಸ್ಥಾಪಿಸಿರುವ ಇವರು, ಶಾಲೆಗೆ ಹೋಗದ ಲಕ್ಷಾಂತರ ಮಕ್ಕಳನ್ನು ಶೈಕ್ಷಣಿಕ ಮುಖ್ಯವಾಹಿನಿಗೆ ತಂದಿದ್ದಾರೆ.

ಭಾರತದ ಶಿಕ್ಷಕಿ ರೂಬಲ್ ನಾಗಿ ಅವರು ಗ್ಲೋಬಲ್ ಟೀಚರ್ ಪ್ರೈಸ್ 2026 ಪ್ರಶಸ್ತಿಯನ್ನು ಗೆದ್ದಿದ್ದಾರೆ. ದುಬೈನಲ್ಲಿ ನಡೆದ “ವಿಶ್ವ ಸರ್ಕಾರ ಶೃಂಗಸಭೆ (World Government Summit)”ಯಲ್ಲಿ ಅವರಿಗೆ ಒಂದು ಮಿಲಿಯನ್ ಡಾಲರ್ (10 ಲಕ್ಷ ಅಮೆರಿಕನ್ ಡಾಲರ್) ಮೊತ್ತದ ಪ್ರಶಸ್ತಿಯನ್ನು ಪ್ರದಾನ ಮಾಡಲಾಯಿತು.

ಈ ಪ್ರಶಸ್ತಿಯ 10ನೇ ಆವೃತ್ತಿಯನ್ನು GEMS Education ಸಂಸ್ಥೆ ನೀಡಿದ್ದು, ದುಬೈ ಯುವರಾಜ ಶೇಖ್ ಹಮ್ದಾನ್ ಬಿನ್ ಮೊಹಮ್ಮದ್ ಬಿನ್ ರಶೀದ್ ಅಲ್ ಮಕ್ತೂಮ್ ಅವರು ಪ್ರಶಸ್ತಿಯನ್ನು ಹಸ್ತಾಂತರಿಸಿದರು.

ನಿರ್ಲಕ್ಷಿತ ಗೋಡೆಗಳನ್ನು ಓಪನ್ ಕ್ಲಾಸ್‌ರೂಮ್‌ಗಳಾಗಿ ರೂಪಿಸಿ, ಓದು, ಬರವಣಿಗೆ, ಗಣಿತ, ಸಾರ್ವಜನಿಕ ಆರೋಗ್ಯ ಮತ್ತು ಪರಿಸರ ಜಾಗೃತಿ ಕಲಿಸುವ ಶೈಕ್ಷಣಿಕ ಮ್ಯೂರಲ್‌ಗಳಾಗಿ (ಚಿತ್ರಗೋಡೆಗಳು) ಪರಿವರ್ತಿಸಿದ ಕಾರ್ಯಕ್ಕಾಗಿ ರೂಬಲ್ ನಾಗಿ ಅವರಿಗೆ ಈ ಗೌರವ ದೊರೆತಿದೆ.

ಕಳೆದ ಎರಡು ದಶಕಗಳಲ್ಲಿ, ಕಲೆಯನ್ನು ಕಲಿಕೆಯ ಸಾಧನವಾಗಿ ಬಳಸುವ ಮೂಲಕ ಅವರು ಒಂದು ಮಿಲಿಯನ್‌ಗಿಂತ ಹೆಚ್ಚು ಮಕ್ಕಳನ್ನು ಅಧಿಕೃತ ಶಿಕ್ಷಣ ವ್ಯವಸ್ಥೆಗೆ ಮರಳಿ ಸೇರಿಸುವಲ್ಲಿ ಯಶಸ್ವಿಯಾಗಿದ್ದಾರೆ. 139 ದೇಶಗಳಿಂದ ಬಂದ 5,000ಕ್ಕೂ ಹೆಚ್ಚು ನಾಮನಿರ್ದೇಶನಗಳ ಪೈಕಿ ಅವರು ಆಯ್ಕೆಯಾಗಿದ್ದಾರೆ.

ಅವರ ರೂಬಲ್ ನಾಗಿ ಆರ್ಟ್ ಫೌಂಡೇಶನ್ ಮೂಲಕ, ಭಾರತದಾದ್ಯಂತ 800ಕ್ಕೂ ಹೆಚ್ಚು ಶಿಕ್ಷಣ ಕೇಂದ್ರಗಳನ್ನು ಸ್ಥಾಪಿಸಿದ್ದು, 100ಕ್ಕೂ ಹೆಚ್ಚು ಕಡಿಮೆ ಆದಾಯದ ಸಮುದಾಯಗಳು ಮತ್ತು ಗ್ರಾಮಗಳಲ್ಲಿ ಮಕ್ಕಳಿಗೆ ಸುರಕ್ಷಿತ ಹಾಗೂ ಪ್ರೇರಣಾದಾಯಕ ಕಲಿಕಾ ವಾತಾವರಣವನ್ನು ಒದಗಿಸಿದ್ದಾರೆ.

ಈ ಕೇಂದ್ರಗಳು ಶಾಲೆಗೆ ಹೋಗದ ಮಕ್ಕಳಿಗೆ ಸಂಯೋಜಿತ ಕಲಿಕೆಯನ್ನು ಆರಂಭಿಸಲು ಹಾಗೂ ಮರುಕಳಿಸಿ ಅಧಿಕೃತ ಶಿಕ್ಷಣಕ್ಕೆ ಸೇರುವಂತೆ ಸಹಾಯ ಮಾಡುತ್ತವೆ. ಜೊತೆಗೆ, ಶಾಲೆಗೆ ಹೋಗುತ್ತಿರುವ ಮಕ್ಕಳಿಗೆ ಪುನಃಪಾಠ ಸಹಾಯ, ಮಾನಸಿಕ–ಸಾಮಾಜಿಕ ಬೆಂಬಲ ಮತ್ತು ಸೃಜನಾತ್ಮಕ ಚಟುವಟಿಕೆಗಳನ್ನು ನೀಡಲಾಗುತ್ತದೆ.

ಅವರ ಶಿಕ್ಷಣ ವಿಧಾನದಲ್ಲಿ ಪ್ರಮುಖವಾದುದು ‘ಲಿವಿಂಗ್ ವಾಲ್ಸ್ ಆಫ್ ಲರ್ನಿಂಗ್’ — ಅಂದರೆ, ನಿರ್ಜನ ಗೋಡೆಗಳನ್ನು ಜೀವಂತ ಪಾಠಶಾಲೆಗಳಾಗಿ ರೂಪಿಸುವ ಕಲ್ಪನೆ. ರೂಬಲ್ ನಾಗಿ ಅವರು ದೇಶದಾದ್ಯಂತ ಪ್ರಯಾಣಿಸಿ ಶಿಕ್ಷಕರಿಗೆ ಮಾರ್ಗದರ್ಶನ ನೀಡುತ್ತಾ, ಮಕ್ಕಳೊಂದಿಗೆ ನೇರವಾಗಿ ಕೆಲಸ ಮಾಡುತ್ತಾರೆ.

ಇದುವರೆಗೆ ಅವರು 600ಕ್ಕೂ ಹೆಚ್ಚು ಶಿಕ್ಷಕರು ಮತ್ತು ಸ್ವಯಂಸೇವಕರಿಗೆ ತರಬೇತಿ ನೀಡಿದ್ದು, ಮಕ್ಕಳ ಶಿಕ್ಷಣ, ಸಾಮಾಜಿಕ ಮತ್ತು ಆರ್ಥಿಕ ಅಗತ್ಯಗಳನ್ನು ಪೂರೈಸುವ ವಿಸ್ತರಿಸಬಹುದಾದ ಮಾದರಿಯನ್ನು ನಿರ್ಮಿಸಿದ್ದಾರೆ.

ಅವರ ಕಾರ್ಯಕ್ರಮಗಳ ಪರಿಣಾಮವಾಗಿ ಶಾಲೆ ತೊರೆಯುವ ಪ್ರಮಾಣವು 50 ಶೇಕಡಕ್ಕೂ ಹೆಚ್ಚು ಕಡಿಮೆಯಾಗಿ, ದೀರ್ಘಕಾಲಿಕ ಕಲಿಕಾ ನಿರಂತರತೆಯಲ್ಲೂ ಮಹತ್ವದ ಸುಧಾರಣೆ ಕಂಡುಬಂದಿದೆ.

ಪ್ರಶಸ್ತಿ ಮೊತ್ತವನ್ನು ಬಳಸಿಕೊಂಡು, ವೃತ್ತಿಪರ ಕೌಶಲ್ಯಗಳು ಮತ್ತು ಡಿಜಿಟಲ್ ಸಾಕ್ಷರತೆಯಲ್ಲಿ ಉಚಿತ ತರಬೇತಿ ನೀಡುವ ವೃತ್ತಿಪರ ಸಂಸ್ಥೆಯನ್ನು ಸ್ಥಾಪಿಸುವ ಯೋಜನೆ ಅವರದು. ಇದರಿಂದ ಲಕ್ಷಾಂತರ ಹಿಂದುಳಿದ ಯುವಕರ ಜೀವನಾವಕಾಶಗಳನ್ನು ಪರಿವರ್ತಿಸುವ ಉದ್ದೇಶ ಹೊಂದಿದ್ದಾರೆ.

ಗ್ಲೋಬಲ್ ಟೀಚರ್ ಪ್ರೈಸ್ ಅನ್ನು GEMS Education ಪ್ರಸ್ತುತಪಡಿಸುತ್ತಿದ್ದು, ವರ್ಕಿ ಫೌಂಡೇಶನ್ ಮತ್ತು ಯುನೆಸ್ಕೋ ಸಹಯೋಗದಲ್ಲಿ ವಿಶ್ವ ಸರ್ಕಾರ ಶೃಂಗಸಭೆಯ ಸಂದರ್ಭದಲ್ಲಿ ಆಯೋಜಿಸಲಾಗುತ್ತದೆ. ಈ ಪ್ರಶಸ್ತಿ, ಶಿಕ್ಷಣ ಕ್ಷೇತ್ರದಲ್ಲಿ ಅಪರೂಪದ ಸೇವೆ ಸಲ್ಲಿಸಿದ ಶಿಕ್ಷಕರನ್ನು ಗೌರವಿಸುತ್ತದೆ.

₹8.4 ಕೋಟಿ ಪ್ರಶಸ್ತಿ ಮೊತ್ತ :

ರೂಬಲ್ ನಾಗಿ ತಮಗೆ ಲಭಿಸಿದ 1 ಮಿಲಿಯನ್ ಡಾಲರ್ ಹಣವನ್ನು ಹಿಂದುಳಿದ ಮಕ್ಕಳಿಗಾಗಿ ‘ಸ್ಕಿಲ್ಲಿಂಗ್ ಇನ್‌ಸ್ಟಿಟ್ಯೂಟ್’ ಸ್ಥಾಪಿಸಲು ಬಳಸುವುದಾಗಿ ಘೋಷಿಸಿದ್ದಾರೆ. ಈ ಮೂಲಕ ಉಚಿತ ವೃತ್ತಿಪರ ತರಬೇತಿ ಮತ್ತು ಡಿಜಿಟಲ್ ಸಾಕ್ಷರತೆಯನ್ನು ನೀಡುವ ಮೂಲಕ ಯುವಜನರಿಗೆ ಉದ್ಯೋಗಾವಕಾಶ ಕಲ್ಪಿಸುವುದು ಅವರ ಗುರಿ,

 

Best Wishes…..