ITR Filing: ಐಟಿಆರ್ ಫೈಲಿಂಗ್ ಡೆಡ್ಲೈನ್ ಮಿಸ್ ಮಾಡಿದ್ರಾ? ಮುಂದೇನು? -2024-25

ITR Filing: ಐಟಿಆರ್ ಫೈಲಿಂಗ್ ಡೆಡ್ಲೈನ್ ಮಿಸ್ ಮಾಡಿದ್ರಾ? ಮುಂದೇನು?

ITR Filing: ಆದಾಯ ತೆರಿಗೆ ಇಲಾಖೆಯು 2024-25ರ ಹಣಕಾಸು ವರ್ಷದ ಐಟಿಆರ್ ಫೈಲಿಂಗ್‌ಗೆ ಸೆ.16ರ ಡೆಡ್ಲೈನ್ ನಿಗದಿ ಮಾಡಿತ್ತು. ಇದು ಸಾಧ್ಯವಾಗಿಲ್ಲವೇ? ನೀವೇನಾದರೂ ಈ ಗಡುವನ್ನು ಮೀರಿದ್ದರೆ ದಂಡ ತೆರಬೇಕು. ಕೆಲವು ರಿಯಾಯಿತಿಗಳೂ ನಿಮ್ಮ ಕೈ ತಪ್ಪಿವೆ!

ಸಾಮಾನ್ಯವಾಗಿ ಇಷ್ಟು ವರ್ಷಗಳಲ್ಲಿ ಸಾಂಪ್ರದಾಯಿಕವಾಗಿ ಜುಲೈ 31ರಂದು ಐಟಿಆರ್ ಫೈಲಿಂಗ್ ಡೆಡ್‌ಲೈನ್ ಇರುತ್ತಿದ್ದು, ಆದರೆ ಇ-ಫೈಲಿಂಗ್ ಪೋರ್ಟಲ್‌ನಲ್ಲಿ ಟೆಕ್ನಿಕಲ್ ಸಮಸ್ಯೆಗಳು ಎದುರಾಗಿದ್ದವು. ಹೀಗಾಗಿ, ಐಟಿ ಇಲಾಖೆಯು ಸೆಪ್ಟೆಂಬರ್ 16ರಂದು ಅಂತಿಮ ದಿನಾಂಕವಾಗಿ ವಿಸ್ತರಣೆ ಮಾಡಿತ್ತು.

ಈಗ ಡೆಡ್‌ಲೈನ್ ಮೀರಿದವರು ಏನು ಮಾಡಬೇಕು? ಬನ್ನಿ ನೋಡೋಣ.

 

1) ಡೆಡ್ ಲೈನ್ ಮೀರಿದರೆ ದಂಡ:

ಸೆಕ್ಷನ್ 234F ಆದಾಯ ತೆರಿಗೆ ಕಾಯಿದೆ ಪ್ರಕಾರ ತಡವಾಗಿ ಐಟಿಆರ್ ಫೈಲಿಂಗ್ ಮಾಡುವವರಿಗೆ ದಂಡವನ್ನು ವಿಧಿಸಲಾಗುತ್ತದೆ. ನೀವು ಎಷ್ಟು ತಡವಾಗಿ ಫೈಲಿಂಗ್ ಮಾಡುತ್ತೀರಿ ಎಂಬುದರ ಮೇಲೂ ದಂಡ ನಿರ್ಧಾರವಾಗಲಿದೆ. ಈ ದಂಡವು ವ್ಯಕ್ತಿಯ ಒಟ್ಟಾರೆ ಆದಾಯ ಮತ್ತು ಫೈಲಿಂಗ್ ದಿನಾಂಕದ ಮೇಲೆ ನಿರ್ಧಾರವಾಗುತ್ತದೆ ಎಂದು ಕ್ಲಿಯರ್ ಟ್ಯಾಕ್ಸ್‌ನ ತೆರಿಗೆ ತಜ್ಞ ಶೆಫಾಲಿ ಮುಂದ್ರಾ ಹೇಳಿದ್ದಾರೆ.

2025-26ರ ಅಸೆಸ್‌ಮೆಂಟ್ ವರ್ಷದ ಅಥವಾ 2024-25ರ ಹಣಕಾಸು ವರ್ಷದ ತೆರಿಗೆದಾರರ ಆದಾಯವು 5 ಲಕ್ಷ ರೂಪಾಯಿಗಳಿದ್ದರೆ, ನೀವು ಡಿಸೆಂಬರ್ 31ರೊಳಗೆ ಫೈಲಿಂಗ್ ಮಾಡಿದರೆ 1,000 ರೂಪಾಯಿ ದಂಡವನ್ನು ಪಾವತಿಸಬೇಕು. ಆದರೆ, ಲಕ್ಷ ರೂಪಾಯಿಗಿಂತ ಹೆಚ್ಚಿನ ಆದಾಯ ಹೊಂದಿರುವವರು ಇದೇ ಸಂದರ್ಭದಲ್ಲಿ 5,000 ರೂಪಾಯಿ ದಂಡಕ್ಕೆ ಒಳಪಡುವರು.

2) ಪಾವತಿಸದ ತೆರಿಗೆ ಮೇಲೆ ಬಡ್ಡಿ!:

ನೀವು ಸರಿಯಾದ ಸಮಯದಲ್ಲಿ ತೆರಿಗೆ ಪಾವತಿ ಮಾಡದಿದ್ದರೆ, ತಡವಾಗ ಫೈಲಿಂಗ್ ಮಾಡಿದರೆ ಅಥವಾ ಮೊದಲೇ ಅಡ್ವಾನ್ಸ್ ತೆರಿಗೆ ಪಾವತಿ ಮಾಡದ ಸಂದರ್ಭದಲ್ಲಿ ನಿಮ್ಮ ಪಾವತಿಸಲಾಗದ ತೆರಿಗೆ ಮೇಲೆ ಬಡ್ಡಿ ಹಾಕಲಾಗುವುದು.

3) ರೀಫಂಡ್ ಮೇಲಿನ ಬಡ್ಡಿಯನ್ನು ಕಳೆದುಕೊಳ್ಳುತ್ತೀರಿ!:

ನೀವು ಸಮಯಕ್ಕೆ ಸರಿಯಾಗಿ ಐಟಿಆರ್ ಫೈಲಿಂಗ್ ಮಾಡಿದ್ದರೆ ಸಿಗುತ್ತಿದ್ದ ಬಡ್ಡಿ, ಡೆಡ್‌ಲೈನ್ ಮೀರಿ ಐಟಿಆರ್ ಸಲ್ಲಿಸಿದರೆ ಕಡಿಮೆಯಾಗುತ್ತದೆ. ಉದಾಹರಣೆಗೆ ನಿಮಗೆ 50,000 ರೂಪಾಯಿ ರೀಫಂಡ್ ಬರಬೇಕಿದ್ದಲ್ಲಿ, ಸರಿಯಾದ ಸಮಯಕ್ಕೆ ಐಟಿಆರ್ ಫೈಲಿಂಗ್ ಮಾಡಿದ್ದರೆ ಏಪ್ರಿಲ್-ಡಿಸೆಂಬರ್ ಅವಧಿಯಲ್ಲಿ ನೀವು 2,250 ರೂಪಾಯಿ ಬಡ್ಡಿಯನ್ನು ಸ್ವೀಕರಿಸುತ್ತೀರಿ. ಸೆಕ್ಷನ್ 244ಅ ಅಡಿಯಲ್ಲಿ 0.5% ಪ್ರತಿ ತಿಂಗಳ ಬಡ್ಡಿ ಪಡೆಯುತ್ತೀರಿ.

ನೀವು ತಡವಾಗಿ ಅಕ್ಟೋಬರ್‌ನಲ್ಲಿ ಐಟಿಆರ್ ಫೈಲಿಂಗ್ ಮಾಡಿದ್ದೇ ಆದಲ್ಲಿ ಅಕ್ಟೋಬರ್-ಡಿಸೆಂಬರ್ ಅವಧಿಯಲ್ಲಿ ನೀವು 500 ರೂಪಾಯಿ ಬಡ್ಡಿಯನ್ನಷ್ಟೇ ಪಡೆಯುತ್ತೀರಿ. ಇದರರ್ಥ ತೆರಿಗೆದಾರರು 1,750 ರೂಪಾಯಿ ನಷ್ಟವನ್ನು ಅನುಭವಿಸುತ್ತಾರೆ.

ಇ-ವೆರಿಫಿಕೇಶನ್ ಮರೆಯಬೇಡಿ…

ಐಟಿಆರ್ ಫೈಲಿಂಗ್ ಬಳಿಕ ಐಟಿ ರಿಟರ್ನ್ ಇ- ವೆರಿಫಿ ಕೇಶನ್ ಆಗಿದೆಯೇ ಎಂದು ಖಚಿತಪಡಿಸಿಕೊಳ್ಳಿ. ಇದು ವಿಳಂಬವಾದರೆ ನಿಮ್ಮ ಫೈಲಿಂಗ್ ಅಮಾನ್ಯವಾಗಬಹುದು. ಇದರ ಜೊತೆಗೆ ಕೊನೆಯದಾಗಿ ಎಲ್ಲಾ ದಾಖಲೆಗಳೂ ಸರಿಯಾಗಿವೆಯೇ? ತೆರಿಗೆ ಕಡಿತಕ್ಕೆ ಸೂಕ್ತ ದಾಖಲೆಗಳಿವೆಯೇ ಎಂದು ಪರಿಶೀಲಿಸಿ. ಏಕೆಂದರೆ ಸರಿಯಾಗಿಲ್ಲದ ದಾಖಲೆಗಳು ಟ್ಯಾಕ್ಸ್ ರೀಫಂಡ್ ಅನ್ನು ತಿರಸ್ಕರಿಸಲು ದಾರಿಯಾಗಬಹುದು.

CLICK HERE MORE INFORMATION