Bank Salary Package scheme-2025: ವೇತನ ಖಾತೆಗಳನ್ನು HRMS ನಲ್ಲಿ ನಮೂದಿಸುವುದು ಕಡ್ಡಾಯ, ನಮೂದಿಸುವ ವಿಧಾನ ಇಲ್ಲಿದೆ.

Bank Salary Package scheme: ವೇತನ ಖಾತೆಗಳನ್ನು HRMS ನಲ್ಲಿ ನಮೂದಿಸುವುದು ಕಡ್ಡಾಯ, ನಮೂದಿಸುವ ವಿಧಾನ ಇಲ್ಲಿದೆ.

 Bank Salary Package scheme: ಮೇಲ್ಕಂಡ ವಿಷಯಕ್ಕೆ ಸಂಬಂಧಿಸಿದಂತೆ, ಉಲ್ಲೇಖಿತ ಪತ್ರದನ್ವಯ, ದಿನಾಂಕ:30.01.2025ರಂದು ನಡೆದ ಸಚಿವ ಸಂಪುಟ ಸಭೆಯ ಪ್ರಕರಣ ಸಂಖ್ಯೆ: ಸಿ.80/2025ರಲ್ಲಿ ತಿರ್ಮಾನಿಸಿದಂತೆ, ನೌಕರರ ಮತ್ತು ಅವಲಂಬಿತ ಕುಟುಂಬ ಸದಸ್ಯರ ಹಿತಾಸಕ್ತಿಗಳನ್ನು ರಕ್ಷಿಸುವ ಸಲುವಾಗಿ ವಿವಿಧ ಬ್ಯಾಂಕುಗಳು ಒದಗಿಸುವ “ಸಂಬಳ ಪ್ಯಾಕೇಜ್‌ಗಳ’ ಅಡಿಯಲ್ಲಿ ಖಾತೆಗಳನ್ನು ತೆರೆಯುವುದು/ಆಯ್ಕೆ ಮಾಡಿಕೊಳ್ಳುವುದನ್ನು ಎಲ್ಲಾ ಅಧಿಕಾರಿ/ನೌಕರರಿಗೆ (ಸರ್ಕಾರಿ / ಸರ್ಕಾರಿ ಸಂಸ್ಥೆಗಳು, ಇತ್ಯಾದಿ) ಕಡ್ಡಾಯಗೊಳಿಸುವ ಬಗ್ಗೆ ಆದೇಶಿಸಲಾಗಿದೆ.

ಉಲ್ಲೇಖಿತ ಪತ್ರದಲ್ಲಿನ ಅಂಶಗಳ ಹಿನ್ನೆಲೆ ಹಾಗೂ ಸಚಿವ ಸಂಪುಟದ ಸಭೆಯಲ್ಲಿ ತಿರ್ಮಾನಿಸಿದಂತೆ, ನೌಕರರ ಮತ್ತು ಅವಲಂಬಿತ ಕುಟುಂಬ ಸದಸ್ಯರ ಹಿತಾಸಕ್ತಿಗಳನ್ನು ರಕ್ಷಿಸುವ ಸಲುವಾಗಿ ಈ ಕೆಳಗಿನಂತೆ ಆದೇಶಿಸಲಾಗಿದೆ:-

a) ವಿವಿಧ ಬ್ಯಾಂಕುಗಳು ಒದಗಿಸುವ ‘ಸಂಬಳ ಪ್ಯಾಕೇಜ್‌ಗಳ’ ಅಡಿಯಲ್ಲಿ ಖಾತೆಗಳನ್ನು ತೆರೆಯುವುದು/ಆಯ್ಕೆ ಮಾಡಿಕೊಳ್ಳುವುದನ್ನು ಎಲ್ಲಾ ಅಧಿಕಾರಿ/ನೌಕರರಿಗೆ (ಸರ್ಕಾರಿ / ಸರ್ಕಾರಿ ಸಂಸ್ಥೆಗಳು, ಇತ್ಯಾದಿ) ಕಡ್ಡಾಯಗೊಳಿಸಿದೆ.

b) ಬ್ಯಾಂಕ್‌ಗಳು/ಅಂಚೆ ಕಚೇರಿಗಳು ನೀಡುವ PMJJBY ಮತ್ತು PMSBY ಯೋಜನೆಗಳ ಅಡಿಯಲ್ಲಿ ಸ್ವಯಂಪ್ರೇರಿತ ಆಧಾರದ ಮೇಲೆ ವಿಮಾ ರಕ್ಷಣೆಯನ್ನು ಪಡೆಯಲು ಸಂಬಂಧಪಟ್ಟ ಇಲಾಖೆಯ ಅಧಿಕಾರಿ/ನೌಕರರಿಗೆ ಆದೇಶಿಸುವುದು.

c) ಬ್ಯಾಂಕ್‌ಗಳು ನೀಡುವ ವಿವಿಧ ಯೋಜನೆಗಳ ಅಡಿಯಲ್ಲಿ ಸ್ವಯಂಪ್ರೇರಿತ ಆಧಾರದ ಮೇಲೆ ವೈಯಕ್ತಿಕ ಅಪಘಾತ ವಿಮಾ ರಕ್ಷಣೆಯನ್ನು ಪಡೆಯಲು ಸಂಬಂಧಪಟ್ಟ ಇಲಾಖೆಯ ಅಧಿಕಾರಿ/ನೌಕರರಿಗೆ ತಿಳಿಸುವುದು.

ಸರ್ಕಾರದ ಅಧಿಕಾರಿ/ನೌಕರರ PMJJBY ಮತ್ತು PMSBY ಯೋಜನೆಗಳ ವಿವರಗಳನ್ನು HRMSನಲ್ಲಿ ನಮೂದಿಸಲು ಈ ಕೆಳಗಿನ ಕ್ರಮವನ್ನು ಅನುಸರಿಸುವುದು.

Step-01 Login by using your DDO user Id and Password

Step-02 Select PMJJBY and PMSBY

Step-03 Select PMJJBY or PMSBY plan

Step-04 In Action Colum Select Yes or No

Step-05 Submit the Data of Employee

ಎಲ್ಲಾ ಅಧಿಕಾರಿ/ನೌಕರರ PMJJBY ಮತ್ತು PMSBY ಯೋಜನೆಗಳ ವಿವರಗಳನ್ನು ಎಲ್ಲಾ ಇಲಾಖೆಯ ಡಿ.ಡಿ.ಒ.ಗಳು ಈ ಮಾಹಿತಿಯನ್ನು ಹೆಚ್.ಆ‌ರ್.ಎಂ.ಎಸ್-1 ರಲ್ಲಿ ನಮೂದಿಸಲು ತಿಳಿಸಿದೆ ಒಂದು ವೇಳೆ ಒಬ್ಬ ನೌಕರನ ವಿವರವನ್ನು ನಮೂದಿಸದಿದಲ್ಲಿ ತಮ್ಮ ಡಿ.ಡಿ.ಒ. ಹಂತದಲ್ಲಿನ ಯಾವ ನೌಕರರಿಗೂ ವೇತನವನ್ನು ಸೆಳೆಯಲು ಸಾಧ್ಯವಾಗುವುದಿಲ್ಲಾ.

ಎಲ್ಲಾ ಅಧಿಕಾರಿ/ನೌಕರರು ತಮ್ಮ ಬ್ಯಾಂಕ್ ಖಾತೆಗಳನ್ನು “ಸಂಬಳ ಪ್ಯಾಕೇಜ್ ಆಗಿ ಪರಿವರ್ತಿಸಿಕೊಳಲು ಹಾಗೂ ಎಲ್ಲಾ ಇಲಾಖೆಯ ಡಿ.ಡಿ.ಒ.ಗಳು ಈ ಮಾಹಿತಿಯನ್ನು ಹೆಚ್.ಆರ್.ಎಂ.ಎಸ್-1 ರಲ್ಲಿ ನಮೂದಿಸಲು ತಿಳಿಸಿದೆ. ಆದ್ದರಿಂದ ಎಲ್ಲಾ ಇಲಾಖೆಗಳು ತಮ್ಮ ಅಧೀನದಲ್ಲಿರುವ ಸಿಬ್ಬಂದಿಯವರಿಗೆ ಈ ಕೂಡಲೇ ಕಡ್ಡಾಯವಾಗಿ ತಮ್ಮ ಚಾಲ್ತಿ ಬ್ಯಾಂಕ್ ಖಾತೆಗಳನ್ನು “ಸಂಬಳ ಪ್ಯಾಕೇಜ್ ಖಾತೆಯಾಗಿ ಮಾಡಿಕೊಳಲು / ಮಾರ್ಪಡಿಸಿಕೊಳಲು ಸೂಚಿಸಿದೆ.

ಸಂಬಳ ಪ್ಯಾಕೇಜ್ ಪ್ರಕ್ರಿಯೆಯನ್ನು ಮಾಡಲು ಈ ಮುಂದಿನ ರೀತಿಯನ್ನು ಈ ಕೆಳಕಂಡಂತೆ ಅನುಸರಿಸುವುದು ಡಿಡಿಓ ಲಾಗಿನ್ ಆದ ತಕ್ಷಣ, ಡಿಡಿಓ ಅಡಿಯಲ್ಲಿ ಬರುವ ಪ್ರತಿಯೊಬ್ಬ ಉದ್ಯೋಗಿ ಬ್ಯಾಂಕ್ ಸಂಬಳ ಪ್ಯಾಕೇಜ್‌ಗಳನ್ನು ಅಳವಡಿಸಿಕೊಂಡಿದ್ದಾರೆಯೇ ಎಂದು ದೃಢೀಕರಿಸುವುದು (ಹೌದು/ಇಲ್ಲಾ) ಆಯ್ಕೆಯನ್ನು ಮಾಡುವುದು.

ಎಲ್ಲಾ ಉದ್ಯೋಗಿಗಳಿಂದ ದೃಢೀಕರಣಗಳನ್ನು ಸ್ವೀಕರಿಸುವವರೆಗೆ, ಸಿಸ್ಟಮ್ ಡಿಡಿಓ ಬಳಕೆದಾರರಿಗೆ ಲಾಗಿನ್ ಆಗಲು ಅನುಮತಿಸುವುದಿಲ್ಲ. ಇದು ಒಂದು ಬಾರಿಯ ಚಟುವಟಿಕೆಯಾಗಿದೆ.

ಆದಾಗ್ಯೂ, ಪ್ರಸ್ತುತ ಸರ್ಕಾರದ ಅಧಿಕಾರಿ/ನೌಕರರ ಬ್ಯಾಂಕಿನಲ್ಲಿ ಈ ಯೋಜನೆಯನ್ನು ಅಳವಡಿಸಿಕೊಂಡಿಲ್ಲದಿದ್ದರೆ, ಉಲ್ಲೇಖಿತ ಆದೇಶದ ಪ್ರಕಾರ, ಮುಂದಿನ ಮೂರು ತಿಂಗಳ ವೇಳೆಗೆ ಇದನ್ನು ಹೌದು ಎಂದು ನವೀಕರಿಸದಿದ್ದರೆ, ಅವರ ವೇತನವನ್ನು ನಿಲ್ಲಿಸಲಾಗುತ್ತದೆ.

ಹೆಚ್.ಆರ್.ಎಂ.ಎಸ್-1ರ ತಂತ್ರಾಂಶಕ್ಕೆ ಸಂಬಂಧಿತ ಸ್ಕ್ರೀನ್ ಶಾಟ್‌ಗಳನ್ನು ಕೆಳಗೆ ಲಿಂಕ್ ದಲ್ಲಿ ನೀಡಲಾಗಿದೆ.

ವಿವಿಧ ಹಂತಗಳಲ್ಲಿರುವ ವೇತನ ಸೆಳೆಯುವ ಅಧಿಕಾರಿ / ಹಣ ಸೆಳೆಯುವ ಮತ್ತು ಬಟವಾಡೆ ಮಾಡುವ (ಡಿಡಿಒ) ಅಧಿಕಾರಿಗಳು ಈ ಸುತ್ತೋಲೆಯನ್ನು ಜಾರಿಗೊಳಿಸುವಲ್ಲಿ ಕಚೇರಿ ಮಟ್ಟದಲ್ಲಿ ಜವಾಬ್ದಾರರಾಗಿರುತ್ತಾರೆ. ತಮ್ಮ ಇಲಾಖೆಗಳಲ್ಲಿ ಹಾಗೂ ಅಧೀನದಲ್ಲಿ ಬರುವ ಕ್ಷೇತ್ರ ಇಲಾಖೆ / ಅಂಗ ಸಂಸ್ಥೆಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸರ್ಕಾರದ ಎಲ್ಲಾ ಅಧಿಕಾರಿ / ನೌಕರರು ಸಚಿವ ಸಂಪುಟದ ಆದೇಶದಂತೆ ಮೇಲೆ ವಿವರಿಸಿರುವಹಾಗೆ ನೋಂದಾಯಿಸಿಕೊಳ್ಳುವಂತೆ ಇಲಾಖಾ ಮುಖ್ಯಸ್ಥರು ಸೂಕ್ತ ಕ್ರಮವಹಿಸುವುದು. ಈ ಕುರಿತು HRMS ಬಿಡುಗಡೆ ಮಾಡಿದ ಸುತ್ತೋಲೆಯಲ್ಲಿ ತಿಳಿಸಲಾಗಿದೆ.

 

CLICK HERE TO DOWNLOAD CIRCULAR